VELA- Xogade 22/11/23

 Tras diversos aprazamentos por mor dos temporais,  o noso alumnado de 3º de Primaria acudiu no día de onte a Sanxenxo para disfrutar dunha divertida xornada de vela. Distribuidos en catro embarcacións moi ben capitaneadas polos membros do Club Naútico de Sanxenxo, os rapaces e rapazas puideron comprobar que non é tan fácil navegar, e que hai que estar pendentes e ben preparados para entender a forza natural do vento que é o que fai mover estas embarcacións. En resumo, un día divertido e diferente practicando un deporte habitual na zona pero que moitos nenos e nenas descoñecían. Premendo na foto de máis abaixo podedes ver unha reportaxe desta actividade.

FASE LOCAL DO XOGADE DE CROSS- 15/11/23

 O noso centro acudiu, como xa ven sendo habitual, á cita co campo a través para centros escolares que organiza a Xunta de Galicia dentro do programa XOGADE. Tras diversos aprazamentos por mor do mal tempo, por fin o mércores 15 de Novembro preto de 90 rapaces e rapazas entre 2º e 6º de Primaria do noso colexio acudiron á praia de Montalvo (Sanxenxo) para competir contra outros nenos e nenas da comarca do Salnés. Ao marxe dos resultados, que foron moi bos, os nosos atletas disfrutaron deste xornada de convivencia e deporte. En datas próximas os clasificados disputarán o campionato provincial para centros escolares. Pinchando na imaxe de máis abaixo podedes ver unha reportaxe fotográfica deste evento.