CAMPAÑA DE MOBILIDADE SOSTIBLE 2026

 Como xa ven sendo tradición nos últimos anos, no terceiro trimestre levamos a cabo unha campaña de mobilidade para empregar o menos posible o vehículo particular para acceder ao centro. Os rapaces recibían unha pegatina nun carnet por cada día que accederan ao colexio andando, en bici, patinete ou transporte colectivo principalmente. Ao termo desta campaña aqueles que completaron o carnet recibiron un diploma e un pequeno agasallo consistente nunha libreta co logo da campaña, o noso "Zapatín". A iniciativa foi seguida polo 75% do alumnado, o cal o podemos considerar como un éxito. 

  

XOGADE- ATLETISMO EN PISTA-4º de Primaria

 O pasado 14 de maio o alumnado de 4º de Primaria desprazouse ata a pista de atletismo da localidade veciña de Cambados para participar nunha competición de atletismo xunto a outros centros da comarca do Salnés. Primando a participación, xa que todos os alumnos das clases se repartiron  nas distintas modalidades ofertadas (60 ml, 400 ml, lanzamento de peso, de wortex, salto de lonxitude e relevos), os nosos disfrutaron e o deron todo. Premendo na foto podedes ver unha ampla reportaxe fotográfica deste evento.                            

XOGADE- XOGOS POPULARES E TRADICIONAIS- 6º PRIM

 O pasado martes 5 de maio o alumnado de 6º de Primaria desprazouse ata o concello veciño de Sanxenxo para participar nuhha actividade organizada pola Agrupación Deportiva Val do Salnés dentro do Xogade. 

Xunto con outros centros da bisbarra, os nosos puideron practicar con grande entusiasmo catro xogos populares da zona como son a  billarda, os bolos celtas, a petanca e a chave. Premendo na foto inferior podedes ollar fotos e vídeos desta actividade.

XADREZ- PRIMARIA

Durante unha semana no mes de abril recibimos a visita dun monitor dun dos dous clubs de xadrez que hai no Grove, o Cum Laude. Aproveitando o tempo de lecer na biblioteca, os diferentes cursos de Primaria disfrutaron de xogos de introducción a esta actividade sendo invitados a asistir ás instalacións do club no caso de querer iniciarse ou de perfeccionar a técnica para aqueles que xa saben xogar. Interesante iniciativa que motivou a moitos dos nosos rapaces. 

XOGADE- BALONMÁN- 4º de Primaria

 No mes de marzo o alumnado de 4º de Primaria recibiu a visita de membros do club local de balonmán, o Rasoeiro, ao logo de dúas sesións lectivas. Nas mesmas  os nosos rapaces puideron practicar xogos de cooperación e de cooperación-oposición que lles serviron para entender mellor este interesante deporte colectivo. A guinda final foi a asistencia o 25 de marzo a unha actividade conxunta cos demais coles do Concello no pavillón municipal do Monte da Vila na que puxeron en práctica o aprendido nas sesións previas e nas clases de Ed. Física. Premendo na foto inferior podedes ollar unha reportaxe fotográfica desta actividade.

DEPORTE ADAPTADO

 O 30 de abril recibimos no cole a visita de membros da Agrupación Deportiva e Social "Un paso máis", da localidade coruñesa de Carballo, entidade adicada á promoción do deporte inclusivo e adaptado. Durante toda a mañá o alumnado de Primaria en diferentes turnos practicou varios deportes adaptados poñéndose na pel dos que se moven en cadeira de rodas ou están privados da visión. A actividade resoltou moi enriquecedora e serviu para que o noso alumnado entendese que se pode facer neste caso deporte con diversidade funcional.