CAMPO A TRAVÉS- FASE COMARCAL 2016

O pasado 1 de Decembro acudimos a Portas a disputar a fase comarcal de campo a través con 40 atletas de 4º, 5º e 6º de Primaria, repartidos en catro categorías: alevín feminino, alevín masculino, infantil feminino e infantil masculino. A participación dos nosos atletas foi todo  un éxito e grazas aos resultados obtidos, con postos de privilexo en todas as categorías, moitos deles  disputarán no principio de ano a fase provincial na que se verán as caras co millor da provincia de Pontevedra. Ata de aquela, a seguir adestrando e disfrutando deste maravilloso deporte!. 

(Pinchade na imaxe para ver a reportaxe fotográfica)

ADESTRAMENTOS DE ATLETISMO

Desde a segunda semana de curso, máis de 40 rapazas e rapaces de 4º, 5º e 6º de Primaria están acudindo voluntariamente durante dous recreos a adestrar cos mestres de Ed. Física. O traballo neste principio de tempada está sendo variado: técnica de carreira, un pouco de fondo, circuitos de acondicionamento físico, xogos de resistencia,.. , todo elo de forma lúdica e divertida, como ten que ser,  para chegar á primeira proba de campo a través, a fase comarcal, en boas condicións. Alí nos vemos!.

(Pinchade na imaxe para ver diferentes momentos dos entrenos)

Coñece o teu club- RASOEIRO BALONMÁN

No comezo deste curso , o alumnado de 5º e 6º de Primaria recibiu a membros do equipo de balonmán da localidade, O Rasoeiro, para dar a coñecer este interesante deporte. Durante dous meses, dous días á semana no tempo de lecer, a totalidade do alumnado destes dous cursos disputou unha liga de balonmán con regras adaptadas e da que disfrutaron moito sen dúbida. Desde aquí agradecer a este club a súa adicación. Pinchade na imaxe para ver as fotos.

Coñece o teu club - C. B. O MECO

Neste mes de Outubro tamén nos visitou o outro club de baloncesto da vila, o C.B. O Meco. Nunhas sesións dirixidas polo seu director deportivo, o alumnado de 3º e 5º de Primaria puido experimentar o que  é unha sesión-tipo de adestramento deste club. Finalmente os membros do mesmo invitaron a todos os nenos e nenas a probar neste apaisoante deporte un día pola tarde no pavillón donde adestran normalmente. Aquí tendes a reportaxe fotográfica, pinchando na foto, das sesións de adestramento.

Coñece o teu club - CLUB BALONCESTO O GROVE

No mes de Outubro. o alumnado de 2º e 4º de Primaria tivo a oportunidade de coñecer un dos clubs da localidade, en concreto o club de baloncesto O GROVE. Dous dos técnicos desta formación dirixiron unha sesión de adestramento en cada nivel na clase de Educación Física. Desta experiencia podedes ver a reportaxe fotográfica pinchando na foto.

PROXECTO DEPORTIVO DE CENTRO

Preparados, listos,...XA!. Un ano máis arrancamos cun montón de propostas de actividades deportivas para os rapaces e rapazas do noso cole. Deixádevos levar e movédevos!