O pasado mércores 8 de outubro, preto de 90 nenos e nenas entre 2º e 6º de Primaria desprazáronse ata a praia de Montalvo, Sanxenxo, para participar no cros comarcal que todos os anos organiza o Servizo Provincial de Deportes da Xunta de Galicia dentro do programa Xogade. O noso alumnado disfrutou dunha xornada soleada de carreiras en competencia con outros centros educativos da comarca do Salnés. Pinchando na foto de máis abaixo podedes ollar unha pequena reportaxe fotográfica deste evento.
Como en anos anteriores, no terceiro trimestre levamos a cabo unha campaña de mobilidade sostible non contaminante. A idea era que as familias non empregaran o vehículo particular para acudir ao centro, incentivando deste xeito o exercicio físico ou o emprego de medios de transporte colectivos. A campaña resoltou un éxito e máis do 80% do alumnado conseguiu o reto. Ao remate da mesma deuse un diploma e un pequeno agasallo, consistente nunha taza co logo e o lema da campaña, a todos aqueles que a remataron con éxito. Agora tan só queda esperar que o exemplo cunda e máis familias empreguen medios de transporte non contaminantes.
O alumnado de toda Primaria puido disfrutar no terceiro trimestre do curso dunha sesión de tenis na clase de Educación Física. A iniciativa partiu do club de tenis de Sanxenxo quen se puxo en contacto co centro para ofrecer unha sesión en todos os cursos de Primaria. A experiencia resultou moi gratificante e motivadora para o noso alumnado. Premendo na foto podedes ver unha reportaxe fotográfica das sesións nos diferentes cursos.
O pasado xoves 27 de marzo o alumnado de 3º desprazouse ata a localidade veciña de Sanxenxo para disfrutar dunha experiencia nova para todos eles, o bautismo na vela. Nos días previos membros do Real Club Naútico de Sanxenxo impartiron no colexio unhas nocións básicas sobre os barcos de vela e o seu funcionamento. O día da actividade, en grupos de 7-8 e acompañados por un monitor e un profesor, puideron por en práctica o aprendido e disfrutaron da navegación pola ría de Pontevedra. O sol e o vento fixeron que a experiencia fose moi gratificante. Premede na foto de máis abaixo para ver unha ampla reportaxe fotográfica.
 |
O alumnado de 4º de Primaria participou o pasado 18 de marzo nunha competición con centros da comarca de atletismo en pista na localidade de Cambados. Deste xeito puideron por en práctica todo o aprendido nas sesións de Ed. Física nos días previos. Todos e cada un deles distribuíronse nas diferentes probas e o deron todo para sumar o maior número de puntos para o equipo. Premendo na foto inferior podedes ollar unha galería fotográfica desta actividade.
O alumnado de 3º de Primaria asistiu ao pavillón Monte da Vila de O Grove na mañá do xoves 13 de marzo a unha competición de balonmán na que estiveron presentes o resto de colexios do noso Concello. O alumnado puido poñer en práctica o aprendido tanto nas clases de Ed. Física como en dúas sesións previas que estiveron dirixidas por persoal do club de balonmán da nosa localidade, O Rasoeiro. Premendo na seguinte foto podedes ollar unha reportaxe fotográfica tanto das sesións previas como desta competición.
O pasado xoves 6 de febreiro os grupos de 3º A e de 6º de Primaria, tras quedar primeiros e segundos nos seus respectivos niveis na fase local celebrada en Montalvo no primeiro trimestre, disputaron en Portas o campionato provincial de campo a través para centros escolares. @s nos@s atletas disfrutaron dunha grande xornada deportiva que nos recibiu con sol e boa temperatura, e o deron todo. Finalmente o grupo de 3º A acadou a terceira posición por equipos en tanto que o grupo de sexto era segundo, logrando a título individual a victoria Manuel Calviño de 6º A. Parabéns para todas e todos!. Premendo na foto podedes acceder á reportaxe fotográfica do evento.
